2025 оны "Хагас жилийн малын түүвэр тооллого"-ийн хүрээнд "Үндэсний Статистикийн Хороо"-ос Хөдөө аж ахуй, байгаль орчин үйлдвэрлэлийн статистикийн хэлтсийн дарга Э.Мягмарханд тооллогын үйл ажиллагаанд зөвлөн туслах, чиглүүлэх замаар хяналт хийлээ. Мөн "Монголын эмэгтэйчүүдийн холбоо"-ос малчин эмэгтэйчүүдэд хүрч ажиллах, нийгмийн эрх зүйн орчин бүрдүүлэх зорилгоор малчдын аж амьдрал, ахуй байдалтай танилцан, тулгамдаж буй асуудлыг судалж, сумын удирдлагуудтай уулзан цаг үеийн мэдээ мэдээлэл солилцож цааш уламжлахаар хамтран ажиллалаа✅.