10 хоногийн цаг агаарын урьдчилсан төлөв (2026 оны 01-р сарын 05-наас 14-нийг хүртэлх) Тунадас: 06-наас 07-нд шилжих шөнө нутгийн өмнөд хэсгээр, 08-нд зарим газраар ялимгүй, 11-нд ихэнх нутгаар цас орно. Бусад хугацаанд солигдмол үүлтэй, цас орохгүй. Салхи: Ихэнх хугацаанд баруун хойноос секундэд 6-11 метр. Агаарын температур: Эг, Орхон, Сэлэнгэ, Туул голын хөндийгөөр шөнөдөө -25...-30 градус, өдөртөө -15...-20 градус, бусад нутгаар шөнөдөө -18...-23 градус, өдөртөө -5...-10 градус хүйтэн байна. 09-нөөс хүйтний эрч бага зэрэг чангарч Эг, Орхон, Сэлэнгэ, Туул голын хөндийгөөр шөнөдөө -29...-34 градус, өдөртөө -18...-23 градус, бусад нутгаар шөнөдөө -22...-27 градус, өдөртөө -11...-16 градус хүйтэн байна.