Булган аймгийн Сэлэнгэ сумын бахархалт малчид Сангалтай багийн малчин Сэнгэ овогтой Батбаяр, гэргий Авгай овогтой Эрдэнэсувд Тариахтай багийн малчин Даваадорж овогтой Өлзийхутаг, гэргий Шагдарсүрэн овогтой Баянчимэг нар Хөдөлмөр зүтгэл, мал маллах ухаан, олон жилийн уйгагүй чармайлтаараа үнэлэгдэн “Аймгийн аварга малчин” хэмээх эрхэм хүндтэй цол хүртлээ. Төрөлх нутаг усныхаа нэрийг өндөрт өргөж, төрт ёсны мал аж ахуйн уламжлалыг залгамжлан авч яваа эрхэм малчиддаа халуун баяр хүргэж, цаашдын ажил үйлсэд нь арвин их амжилт, элбэг хангалуун сайхан бүхнийг хүсэн ерөөе.