Анхдагч, алдартны өлгий  болсон Булган хангайн бүтээлч хөдөлмөрч ард иргэд та бүхэнд болон боловсролын салбарын бодлогын шинэчлэлийг амжилттай  хэрэгжүүлэхээр  мөр зэрэгцэн хамтран ажиллаж байгаа мэргэжил нэгт оюуныг түгээн дэлгэрүүлэгч эрдэмтэн  багш нар , тэдний гэр бүл үр хүүхдүүдэд ажлын амжилт, эрүүл энх, аз жаргал эрдэм ухааны дээдийг хүсэн ерөөе.
Манай сургуулийн түүхэн товчоон
     Булган аймгийн Сэлэнгэ сумын бүрэн дунд сургууль нь 1948 онд хуучин “ Цонхлон” сумын нутаг Бухын Наран гэдэг газар анх байгуулагдсан. Ингэттолгой гэдэг газар / одоогийн Сэлэнгэ суманд / шилжин ирж 2 өрөө дүнзэн байшинд нэг анги , 17 сурагч 4 багштайгаар хичээллэж эхэлснээс хойш  тус сургуулийн түүх эхэлдэг юм. Анхны багш Х. Даваа байв. Ард түмний үр хүүхэд өсвөр үеийг сурган хүмүүжүүлэхийн тулд нас засгаас байнгын анхаарал тавьж, дэс дараатай арга хэмжээ авч ирсний үр дүнд тус сургуулийн материаллаг бааз бэхжин хөгжиж багшлах боловсон хүчин , суралцагсдын тоо нэмэгдсээр 1960 онд бүрэн бус дунд сургууль, 1964 онд 8 жилийн дунд сургууль, 1990 онд 10 жилийн дунд сургууль болон өсч хөгжиж ирлээ.2014-2015 оны хичээлийн жилд Булган аймгийн ИТХ-ын 2013 оны 12 сарын 25-ны өдрийн 169 тоот тогтоолын шийдвэрээр Сэлэнгэ сумын уугуул Монгол Улсын Гавьяат багш Цэндсүрэнгийн Гомбожавын нэрэмжит бүрэн дунд сургууль боллоо.
Өнөөдөр манай сургууль
 Манай сургуулийн өнөөдрийн бүтэц бүрэлдэхүүн: 2014-2015 оны хичээлийн жилд тус сургуульд  428 суралцагч, / өдрөөр 394, дүйцсэн хөтөлбөрөөр 34/  суралцаж тэдгээрт 3 удирдах ажилтан, 1 нийгмийн ажилтан, 27 мэргэжлийн багш, 33 ажилчин  үйлчилж байна.  Дотуур байранд 105 хүүхэд сурч хүмүүжиж тэдгээрт 1 багш, 4 үйлчлэгч үйлчлэн ажиллаж байна. Насан туршийн боловсролын арга зүйчээр 1 багш ажиллаж, дүйцсэн хөтөлбөрийн сургалтыг зохион байгуулахаас гадна иргэдэд амьдрах ухаан, эрүүл мэндийн боловсрол олгох үйл ажиллагааг удирдан чиглүүлэн ажиллаж байна.
Манай хамт олны дунд Алтан гадас одонт багш 1, Боловсролын Тэргүүний ажилтан 11, Санхүүгийн тэргүүний ажилтан 1  ажиллаж байна.
  Өнгөрсөн хичээлийн жилд манай хамт олон бүрэн дунд боловсрол эзэмшигчдийн ерөнхий шалгалтын гүйцэтгэлийн хувиар аймагт 2-р байр эзэлсэн амжилт гаргалаа.
  Аймгийн төрөлжсөн олимпиадад 9,11-р ангийн шалгарсан сурагчид, мэргэжлийн багшийг сайн бэлтгүүлэн оролцуулсны үр дүнд алт 4, мөнгө 5 , хүрэл 2-ыг тус тус хүртлээ.

Бидний эрхэм зорилго
“Боловсролын чанарын шинэчлэлийг хэрэгжүүлэх замаар хүн бүрийн хөгжлийг хангана.”
Манай сургуулийн тоон үзүүлэлт
Суралцагсдын тоо- 428
1-р ангийн элсэлт -40
Бүлгийн тоо – 17
Бүлэг дүүргэлт - 24
Үндсэн багшийн тоо -28
Мэргэжлийн багшийн хангалт –  96,2 %
Мэргэжлийн зэрэгтэй багшийн тоо - 18
Стандарт хангалт – 100%
Хичээлийн кабинетийн тоо- 4
Хичээллэж буй сонгон секц дугуйлангийн тоо - 15

  2014-2015 оны хичээлийн жилийн 1-р улирлын байдлаар
      БУЛГАН АЙМГИЙН ИТХ-ЫН   2013 ОНЫ 12 САРЫН 25-НЫ ӨДРИЙН 169-р тоот ТОГТООЛЫН ШИЙДВЭРЭЭР   СЭЛЭНГЭ СУМЫН УУГУУЛ МОНГОЛ УЛСЫН ГАВЬЯАТ БАГШ ЦЭНДСҮРЭНГИЙН ГОМБОЖАВЫН НЭРЭМЖИТ  бүрэн дунд сургууль болж, нээлтэнд аймгийн З асаг дарга  Д.Эрдэнэбат, БГ-ын дарга Д.Цогоо,сумын Засаг дарга Ш.Насандулам,  Гавьяат багш Ц. Гомбожав болон түүний үр хүүхэд ,зочид төлөөлөгчид  урилгаар оролцлоо.
 Байгууллагын дотоод болон гадаад орчноо тохижуулан сургалтын гадна, дотно орчиноо сайжруулан  1000 мод,1000 цэцэг тарилаа.
 Анги танхим,дотуур байр, нийтийн эзэмшлийн газарт урсгал засвар хийлээ.
 Сургуулийн бүх нийтийн эзэмшлийн газар, урлаг, спортын залны  гэрэлтүүлгийг шинэчиллээ.   /32/
 Багш сурагчдын бие засах 00 –ийг  шинэчлэн, шинээр барилаа.
 Хичээлийн ээлжийг 1 ээлжээр суралцах боломжийг бүрдүүлж,  4 анги шинээр  тохижууллаа.
 Багш нарын өрөөг шинэчлэн багшийн хөгжлийн төвийн хэмжээнд хүргэн тохижууллаа.
 Дотуур байр-Насан туршийн боловсрол-ын орчинг сайжрууллаа.
 6-7 настай хүүхдийн амьдрах 3 тасгийг шинээр тохижууллаа.
 2014 -2015 оны хичээлийн жилийн 1-р улирлын байдлаар “ЦАГ БАРИМТЛАГЧ ХАМТ ОЛОН “ боллоо.
 2014-2015 оны хичээлийн жилд Орон нутгийн авьяастан иргэн Мөнхцэцэг/ үндэсний хөгжим                                                                                                                                                                                  /Т.Баттулга / морин хуур/,Д.Эрдэнэчулуун/ шатар /,Э.  Нармандах, Батсүх , Нямаа /бөх/ -тай гэрээ байгуулан хүүхдийн авьяасыг хөгжүүлсэн дугуйланг хичээллүүлж байна.
 Авьяас хөтөлбөр болон аймгийн Засаг даргын морин хуур хөтөлбөрийг 20ш морин хуур иж бүрэн хувцастай боллоо.
 Аймгийн Засаг даргын “Морин хуур” дэд хөтөлбөрийг хэрэгжүүлэн 20 хүүхдийн морин хуурын вакумжуулсан 10 хоногийн  сургалтыг сургууль дээрээ зохион байгуулан 4462,5 мян. төгрөгний санхүүжүүлэлтээр  20 морин хуур, иж бүрэн хувцсаар хангалаа.
 Дэлхийн багш нарын баярын өдрийг өргөн дэлгэр тэмдэглэж , Сэлэнгэ аймгийн багш нараас туршлага судалж, Сэлэнгэ аймгийн үзэсгэлэнт газруудаар аяллаа.
 2014-2015 оны хичээлийн жилд багш нарт ажлын байранд хөгжих сургалтуудыг явуулахаас гадна  суралцагсдын  амралтаар зохион байгуулагдсан төвлөрсөн сургалтанд 13 багшийг хамруулаа.
 Багш нарын сурган хүмүүжүүлэх илтгэл, ур чадварын уралдааныг зохион байгууллаа.
 “Эх орон -36” хөгжлийн хөтөлбөрийн бүсчилсэн үзүүлэх сургалтыг  Зүүн бүсийн  сургуулиудын дунд  тус  сургуулийн захирал  санаачлан Булган аймгийн Хүүхэд гэр бүл хөгжлийн хэлтэстэй хамтран  зохион байгуулж, хүүхэд багачуудыг нэгэн дээвэр дор   Дуут жагсаалаараа  хөл нийлүүлэн алхаж,  5 өртөөгөөр аялж,  эх орныхоо үүх түүх, Монгол Улсын иргэн гэдгээрээ бахархах , аливаа эрсдэлээс биеэ хамгаалж сурах , амьдралын арга ухаанд суралцах, эрүүл мэндийн анхны тусламжийг үзүүлж сурах зэрэг сонирхолтой мэдээ мэдээлэлтэй танилцуулсан сургалт болсноос гадна 4 сургуулийн багш сурган хүмүүжүүлэгчид, зочид төлөөлөгчид, хүүхэд багачуудад сургуулийн үйл ажиллагаа, сургалтын орчноо сурталчилсан ажил боллоо гэж үнэлж байна. Энэ үйл ажиллагаанд сум бүрээс 20 хүүхэд ба 20-тын баг, захирал, нийгмийн ажилтан, хүүхдийн элч нар оролцсон ба тус сургуулийн хүүхэд багачууд багш сурган хүмүүжүүлэгчид оролцлоо.

2015 оны 1-р улиралд хийсэн ажлын тайлан Саранчимэг